- სააგენტოს “აწარმოე საქართველოში” ახალი მიკრო სესხების გაცემის პროგრამის შესახებ საინფორმაციო შეხვედრა გაიმართა ქალაქ ფოთში.
ფოთის მუნიციპალიტეტის მერიის ინფორმაციით, პროგრამის მიზანია საქართველოში მიკრომეწარმეობის ხელშეწყობა, ახალი სამუშაო ადგილების შექმნა, კერძო სექტორის კონკურენტუნარიანობისა და სამეწარმეო პოტენციალის ზრდა.
საინფორმაციო შეხვედრა ადგილობრივ მეწარმეებთან ფოთის მერიასა და სააგენტო „აწარმოე საქართველოს“ შორის თანამშრომლობის ფარგლებში , მუნიციპალიტეტის ინიციატივით და ორგანიზებით მოეწყო.
მიკრო და მცირე მეწარმეობის მხარდაჭერის პროგრამა მოიცავს:
სუბსიდირებული ბიზნეს სესხების გაცემას 20 000 ლარიდან 50 000 ლარამდე პროცენტის სრული ან ნაწილობრივი დაფინანსებით. გაცემის საკომისიო 0%, სააგენტოსგან გირაოს მხარდაჭერა 80%-მდე;.
დასაფინანსებელი მიმართულებებია: ტურიზმი, კვების ობიექტები, განათლება, მედიცინა, სპორტული წრეები, ესთეტიკური ცენტრები/სილამაზის სალონები, წარმოება და სხვა.